Kafin a halicce ka, Allah ya rubuta kaddararka cikin rahama, ya zaɓi lokacin da za ka rayu da kuma wurinka, sannan ya busa maka daga Ruhinsa. A lokacin haihuwarka, an raɗa maka kiran sallah a kunne. Ana maraba da kai ba kawai a matsayin rai ba, amma a matsayin amana mai tsarki wanda aka nannade cikin addu’a. A yarintarka da kuruciyarka, Musulunci yana koya maka yadda ake cin abinci, yadda ake girmama iyaye, yadda ake magana, yadda ake yafiya, da kuma yadda zaka bi kuruciyarka da mutunci a cikin teku na sha’awa da shakku.
A kuruciyarka, kana kiyaye tsarkinka yayin da wasu ke rasa nasu. Kana tsayawa da ƙarfi yayin da duniya ke rawa, kuma kana daraja kamun kanka koda ana yi maka ba’a. Kuma idan ka yi zunubi? Kofar tuba ba ta rufe wa. Allah ba ya gajiya da kai. Yana jira kuma yana gani a cikin rauninka dalilin rahama, ba na ƙi ba. Sa’an nan ka mutu.
Amma wannan ba shine ƙarshen ba. Wannan sabon mafari ne, tafiya ce da ta fara daga kabari. Wani mai sonka ne zai yi maka wanka, wani mai maka addu’a ya sa maka likkafani, kuma mutanen da wataƙila ba su san ka ba ne za su ɗauke ka, amma suna son maka abin da suke so wa kansu. Sa’an nan za a tashe ka kuma a yi maka hisabi, amma ba a gaban alkali marar tausayi ba. A gaban Mai rahama, wanda ya fi mahaifiyarka tausayi.
Ya san rauninka kuma yana auna niyyarka. Sa’an nan makoma ta ƙarshe ta zo, Aljanna ba tare da zafi ba, ba mutuwa, ba ban kwana, ko wutar jahannama da adalci wanda ba a canzawa. Amma zaɓin ya fara yanzu.
Raba: